Poesie scelte edite ed inedite in dialetto friulano

Di Ermes di Colloredo,
con aggiunte di Pietro Zorutti
Udine, pei fratelli Mattiuzzi, 1828

(Biblioteca Nazionale Braidense - 18.23.F.22-23)

Pag. 2

La Lontananza

SONETTO

PRIF, di cujè, ch' è l' unic miò content,
Sòi cadavar spirant, sòi senze cuur;
Vite no hai, e ogni moment jò muur,
No vif, e pur de muart sint il torment.

Oh de fuarze di amor tragic portent!
Oh di cas amoròs enigme oscûr!
Oh fatal miò destin pervers e dûr!
No muur, no vif, e sòi muart e vivent.

Bref content mi compense un lung martir:
Da te lontan sint l' anime trafite,
E pur simpri cun te sta il miò pinsir.

Se atrai lu fiar virtut di calamite,
Cussì di biele bochie un sol suspir
Di tornami è bastant da muart a vite.



Crudeltà di Filli.

SONETTO

OH Dio che chest miò cuur sint plui tormenz,
Cu no ha fueis il bosc, ondis lu mar,
Nè tantis stelis mai in cil apar,
Nè lis oris di un an han tang momenz!

Ben son plui spess i miei pinsirs dolenz,
Che dal miò pet mande il dolor amar,
Nè un sol at di pietat par me compar
In Fili, simpri plui sorde ai lamenz.

Il miò amor, eu non ha, nè varà egual,
In guiderdon no merte tant dituart,
Se sol dal volè ben nass lu miò mal.

E tu vus che jò speri il mio confuart
Sol dal murì? Oh crudeltat fatal!
Se in premi da l'amor si dà la muart.



Al Signor Nicolò N. N. Quid prodest homini si universum mundum lucretur, animae vero etc.

SONETTO

NASS l'om di stirpe ilustre, e amat bambin
Suchie scielt aliment da un nobil pet,
E in scune d'aur polsand, e in fassis strèt,
Ju dons atrài di favoreul destin.

Passat di püerizie il bref confin,
Giold in te freschie etat vigor perfet,
E in sontüos palaz cun Baco elet,
Sazie il gust di pregiat cib pelegrin.

Guste in amor ogni bramat content;
Possed còmuz, richiezzis, dignitat,
Nè mai d'un trist pinsir sint lu torment.

Ma ce zove, Nicole? Alfin clamat
De vos de muart al tribunal trement,
Confùs sarà di jessi al mond entrat.



Sopra il Sig. N. N. ammogliato Colla Signora N. N.

SONETTO

DE to blanchiezze Isote al paragon
Ced la nef, che jè là sul Mont-major;
L'odoros zessalmin e nobil flor
In tal to sen ven neri, e no 'l par bon.

Par la vie latee un sfris fat cul chiarbon
Se si viod al confront dal to candor,
E je pàr fate just dal Lat major,
Che fuur dal luvri sclipignà Giunon.

L'albe clare dal dì ti ced di pat,
E la blanchiezze pajaress tant sanc
Di jessi come te, o fa un barat.

Un soreli tu ses lusind e blanc:
Ma par no mi cëà, chialand afat,
Ten, chiare Isote, to marit al flanc.



Al Sig. Co. A. P. detto il monarca dell'ova.

SONETTO

GRAN monarchie dai uus di dut il mont,
Cu son e cu son staz e cu saran;
Vo no ses manco dal gran Tamberlan,
Se lui plui grand di vo, vo plui taront.

Ju giai lavòrin dug a uestri cont
Par fa nassi dai uus sere e doman:
Non han tang pei lis pioris di Salcan,
Quang uus vo avès tal chiaf, se 'o fàs ben cont.

Se volessis (che a dilu il mond stupiss)
Un dì fà une fritaje par memorie,
Se chest pinsir tal chiaf mai us vigniss,

Bisugnass (e sei dit a uestre glorie)
Che l'Ocëan in ont si convertiss,
E de cape dal cil fa une frissorie.



Alli suoi Camerata Girolami.



CANZONE

CAMARADIS miei chiars, che ses a spass
Là sun chelt alt e stais in ecelenze,
E cun bong dindïoz e cavrez grass
Sglonfais lu glutidor in confidenze;
Jò püarèt cajù di croz mi pass,
Se vo no mi volès, jò dis pazienze!
Dal temul e de trute e dal melò
Se ses passuz, jò us dirai bon pro.

Jò mi traten cul cesaron e vissule,
Che biel madure la raquei pal fresc,
E quand che l'hai in bochie il brût fuur pissule
E 'l par just che al gumiti un vreas todesc,
E chel suc dolz jù pal gargat mi strissule,
Nè d'altris cibs cuviart è 'l miò puar desc,
Che a lis grandezzis il miò chiaf no pense;
L'ort è bastant a preparà la mense.

Us rivuardi Fïoz, che chè promesse
Che mi avès fate di vignì cajù,
Seben che par vignì jò no us dòi presse,
Discrosait ju budiei pur ben là sù,
Che intant par preparà jò mandi a Bresse,
E uei tratäus tant cu 'l re d'Artù;
Uei che disis, che a l'alte e che a la basse,
E cà e là l'avès tazzade grasse.

Une piore za muarte dal lancuur,
Che al è cinc agn che 'o hai faz i persuz,
Une lonze di giate, che däûr
Une puarte mazzai cun sis giatuz;
Une clochie in stofàt, che jù di un mûr
Chiadind di apoplesìe rompè il chïauz,
Quargnui e forecùi e brugnui sclas.



INVITO al Nob. Sig. Co. Girolamo N. N. d'andar a Guriz col Sig. N. N.

CANZONE

JARONI i rusignui dal miò boschet
A i han biel petàt man al sivilot,
E van provand un biel madrigalet,
Al to arif di recità al prin bot.
Mene Ferant, che lest al è il fiaschet
Par sborfà chel so nas a bec frisot,
Ogni uciel si sfadìe di prest là in mude
Par formà un biel concert e' to vignude.

Un' oparete cu farà fracass
Ti prèparin de selve i miei cantors,
La zore e la curnil faran il bass,
La giaje e la badascule i tenors;
La quintr-alt la pojane e lu cagnass,
E ju soprans i tarabus sonors:
L'ultin sarà lu cuc cul chiant divin,
Che fra i altris pàr just Margaritin.

Sarà une orchestre di grang virtüos,
e lu grì sunarà lu chitarin,
La crazzule il liron, e il crot malòs
La viole di giambe e lu violin;
La spinete lu farc, seben mendòs,
Che a no 'l viod senze ochiai nang da vicin;
E po une trombe cu passarà dut
Sunarà di Apulejo il nemalut.

Camerade, ven vie, ti fàs l'invit,
Ma però, tu m'intinz? cu la Parone;
Che senze je dut saress dissavìt,
E lu vidiel mi pararess carbone;
Tu vedaràs lu miò Guriz florìt,
D'ogni color cu i plàs a la persone;
Ti spieti senze fal cun cuur costant,
Ma mene anchie cun te lu bai Ferant.


© Biblioteca Nazionale Braidense - Sito Web: http://www.braidense.it
Via Brera 28 - 20121 Milano - Tel. +39 02 86460907 - Fax +39 02 72023910 - Email: info@braidense.it