Sul matrimoni de duu vecc.

Di Giuseppe Bertani



Car amor, lassetel dý,
Te see propri staa on gog˛,
T' ee faa on colp che, segond mý,
L' era minga de par t˛,
E te disi ciar e nett
Che t' hoo pers tutt el concett.

E defatti mi pensava,
Che te fusset pussee scrocch,
Ma hoo capii che m' ingannava,
Che t' avevet tettaa pocch,
E che i colp bej che t' ee faa.
L' Ŕ staa on cas se ti ee ciappaa.

O besogna che t' avesset
Volontaa ben de smorbiÓ,
O che in fatt no t' ghe vedesset
Quand el colp t' ee lassaa andÓ;
Siela m˛ come se voeur,
Te m'ee faa rid, ma de coeur.

On veggion ch' el p˛ a gran stent
Sostegniss col bastonscell,
Pien de gotta, invernighent,
Cont in coo gnanca on cavell,
E tant soeuli el mostaccin
De servý per on crespin;

Ch'el gh'ha in bocca i pur gingiv,
Per ganass el gh'ha duu boeucc,
L' Ŕ l' Inverno positiv,
Mascarpent, impastaa i oeucc,
No cerchell in olter loeugh,
Che l' Ŕ lÓ regneccaa al foeugh.

E cost¨ giuradiana,
Senza spiret nŔ calor,
L' ha sposaa on' oltra veggiana,
Che a dý pocch, che a fagh onor
L' Ŕ tre voeult pesg del ritratt
De la serva de Pilatt.

Che piasŔ a vedej lÓ soll
A disnÓ sti duu moros,
A scerniss vun l'oltr' el moll
Pussee tener e mostos,
E masnall on mezz quart d' ora
Per podell mandÓ gi˛ in gora!

Me figuri i pitanzinn
Ch' el prim dý gh' avaran faa,
Saran staa tutt moresinn
de bev su cont el cugiaa,
PerchŔ a lor la roba dura
La ghe fa troppa paura.

Polt e latt o ris ben cott,
Mascarpon, tortin, ma rar,
Oeuv de bev, gioncad, pancott
Hin i s˛ pitanz pu car;
E a gran stent biassen in fin
Ona fetta de stracchin.

E talment el sangu ghe buj
A sti spos, che s'hin in lecc
In d' on dý pu cold de luj
Ancam˛ geren del frecc:
Ponn scusÓ sti duu soggett
Per el giazz de fÓ i sorbett.

Malappenna han smorzaa el ciar,
Fan de prim e de segond
Con la toss e col gatar,
Vun dÓ su, l' olter respond;
Con sta sort chý d' armonia
Pensee m˛ che sinfonia.

Me rincress domÓ ona cossa,
Che la voeuren durÓ pocch,
PerchŔ hin giÓ col pŔ in la fossa,
GiÓ la mort la gh' ha daa el cocch,
E Caront l' Ŕ giÓ de sciÓ
Col barchett per menaj lÓ.

Car amor, lassetel dý, ecc.

Da "Collezione delle migliori opere scritte in dialetto milanese", vol. X
Milano, presso Giovanni Pirotta, 1816

Revisione settembre 2003


ę Biblioteca Nazionale Braidense - Sito Web: http://www.braidense.it
Via Brera 28 - 20121 Milano - Tel. +39 02 86460907 - Fax +39 02 72023910 - Email: info@braidense.it