SORA
L'ABBONDANZA
DELLA VENDEMBIA
DE QUEST'AGN
IN MILAN
Dal Stampador Visaj in di Trii Re.
1818.
Vel torni a di per la campagna
Che quest' l'č l'ann della cuccagna,
E ch'el sia la veritaa
Vedill in st'altra Bosinaa.
No ve stremii, no abbie pagura
S'č vegnuu on po de lavadura,
E se anca insemma a questa
L'č vegnuu on poo de tampesta;
Quist in vizend che giā se sa
In temp de staa no i pom schivā;
L'č per proverbi, on car de fen
Per quant l'č gross, per quant l'č pien
Prima d'andā al loeugh destinaa
Sen perd quai lira per i straa,
ma in mezz a quest maggior porzion
L'č quella che va a ca del padron.
L'istess pom di anc del raccolt
Per quant el vent, el frecc, el colt,
L'acqua, el succ, e i tampest,
mettigh insemma appress al rest
Quel che sgraffignen i campee,
Quel che se pesta sott ai pee,
Quel che roben de tant in tant
I villan, coi viandant,
Ma con tutt quest maggior porzion
El le god semper el padron,
E tutt el san, e quest l'č zert
Che poeu quai coss besogna pert.
***
Chi po negal ch'el sia in sostanza
Propri quest l'ann dell'abbondanza;
Han mai visto i milanes
Sul nost verzee tanti scires!
Nem pur vist, e ben sossen
Per, peritt, e maddalen,
E la cara mognaghina,
La brugna gialda, e la massina
E maggioster, e frambroeus
E sui spaller, e sora i proeus,
E brugn legittem e salvadegh,
E l'ughetta, el bon uvadegh.
Persegh poeu disi nagott
El ven giō i scorb a barilott,
L'č vera che in man di recaton
Che in tutt d'accord in sta stagion,
Che per lor l'č semper grassa
A alzā i barbis in sulla tassa;
Ma con tutt quest diroo in sostanza
Che quest l'č l'ann dell'abbondanza
Zucc, coccumer, e pom d'or
A mucc se veden anca lor,
In staa on poo scars i fasoritt,
Ed anca i corna ed i cornitt.
***
Se se domanda mo 'l perchč
L'č vun di motiv da no savč;
Se ai ortolan vu domandee
Han cento scus da tirā in pee,
Che l'č per el succ, perchč in brusaa,
Ma che per di la veritaa
Senza fa goss, e parlā ciar
L'č per vendi on poo pu car.
Se descorrem poeu di mellon
Per ogni part ghe n'č a monton,
Mellon se ved per tutt Milan
De Caravag, e de nostran.
***
Pareggie tin e navazz
Long e largh almanc cent brazz;
Bonz e vassii che tegnen dent
Almanca mila e cinq cent brent;
E se quist manchen anc mo
Andee a toeu i barc dell'oltra Po,
Insemma a quii lā del Tesin
Per impii tutt quant de vin.
Se mettarem a boccalā
Della mattina fin disnā,
E toccarem lā poeu semper inscė
Fin che andarem cioc a dormė.
***
Ma lassaroo chi da descor
dell'uga, del vin, e di vidor!
Vegnii a ved con mi in campagna
El bel retratt della cuccagna,
Vegnii sul Paves, e alla Brianza
A ved l'ann dell'abbondanza,
Per tutti i pajes o bon o gram
Vedii l'uga a pend come i salam,
Coi sgrazz giā madur al dė d'incoeu
Gross e pesant com'č i fioeu,
Che per ogni grap sagolā ponn
Almanca ses o vott personn.
Sentii, e stuppi per maraveja
E quist no in ball formaa de creja;
In on pajes el gh'č na sgrazza
Grossa cinqu onz de pu d'on brazza;
E per curā sto bel bellee
Se manten apposta duu campee,
Vun de nott, l'olter del dė,
Perché l padron l'avuu da di
Che mangien pur l'uga ch'č d'intorna
Che per lu gh'importa un corna,
Basta che infin la sia salvada
Sta sgrazza tanto stermenada.
***
Figurev con sta cuccagna
Corrirā l vin per la campagna
Come l'acqua del Tesin,
Ed emm da negā tutt in del vin.
Con st'abbondanza digh nagotta
Emm d'andā a ca tutt con la cotta,
Bevarem con st'abbondanza
Del vin gustos e de sostanza;
Seppur i ost a vun per un
Ch'in semper amis del Dio Nettun,
Per no fa che al coo nol tacca
Nel mesturem con dell'acqua.
Sbragiem, cantem in radunanza
Evviva l'ann dell'abbondanza,
Evviva nun, e tutt i avar
Lassei tossė per el gattar,
E quii che scriv i taccojn
Che voeren pretend d'ess induin
Col di che Mart, el Sur Mercuri
In duu pianet de mal auguri,
Disemeghel pur foeura di dent
Che so predizion varen nient,
E che han fallaa la concordanza
Se l'ann non l'č scars, ma d'abbondanza.
***
Donc replichem el retornell
Con quanta vos gh'emm in la pell,
Viva l'ann della cuccagna,
Viva l'uga ch'č in campagna,
Desiderem on ann compagn
E seguitā inscė per ben cent agn,
Perché in ogni temp e zircostanza
Possem viv dent in l'abbondanza.
FENIDA